Тарт зоз бундавками

автор тсал
1.2k Опатрене

За тот тарт ВАЖНЕ же бисце ше притримовали количества состойкох хтори ту наведзени. Месо и желєняву хаснуєце по вашим виборе. Можлївосци єст тисяч!

Потребне:

 150 ґр цибулї (очисцена чежина) на дробно пошекани

2 струча цеску (на дробно пошекани)

50 ґрами сланїни порезани на дробни коцочки

250 ґр бундавки (натарти)

50 ґр сира (cheddar лєбо gouda)

60 ґр муки

пол ложички пращку за печенє

2 дцл олєю

3 вайца

соль

попер.

 

Так треба приготовиц:

Сланїну упражиц без додаваня масци. До єдней миски положиц цибулю, цеснок, бундавки (єдну часц бундавкох мож заменїц зоз мархву) и попражену сланїну. Додац муку помишану зоз пращком за печенє, вайца, сир, олєй, соль и попер. Шицко добре помишац зоз ложку. Висипац мишанїну до тепши (пред тим положиц папер за печенє) и з ложку ю вировнац.

Печиц у зогратей рерни на 180 ступнї 30-35  минути.

 

Совит:

Предносц того тарту у тим же мож комбиновац рижну желєняву и месо. Сланїну наприклад мож заменїц зоз даяку шунку, млєтим месом – курчецину, пульчецину (треба го скорей подинстац). Цибулю мож заменїц зоз празилуком, бундавки зоз мархву, карфиолом. Мож додац чили лєбо обичну париґу. Додац присмачки – петрушково лїсце, вашилєц… То лєм мали совити же би трат бул по вашим смаку.

 

ПОВЯЗАНИ ТЕКСТИ