ЖАБЕЛЬ – У рамикох двотижньового представяня туризму Войводини на Сайме „ЕКСПО Милано 2015”, хтори тирва од початку мая по конєц октобра у Милану, у Италиї, туристични и ґастрономски понукнуца представела и Туристична орґанизация Општини Жабель.
Општина Жабель представена у рамикох Дньох Войводини, хтори пондзелок, 8. юния на велькей площи опрез павильону Сербиї шветочно отворел предсидатель Покраїнскей влади Боян Пайтич.
Општина Жабель представела домашнї вина, польопривредни и туристични капацитет и орґанску поживу, гварела директорка ТОО Жабель Мария Чупич, и додала же ше Општина будзе намагац же би ше єй капацитети частейше представяло на таких медзинародних саймох.