ТЕМЕРИН ‒ Всоботу, 20. юния, у Темерину у своїм 78. року живота нєсподзивано умар економиста Йоаким Голик, длугорочни предсидатель и член Надпатраюцого одбору НВУ „Руске слово”.
Йоаким Голик народзени 1942. року у Беркасове. Дипломовал на Економским факултету у Беоґрадзе 1970. року. Векшину роботного вику препровадзел у Новим Садзе дзе витворел успишну дїловну кариєру. Бул на високих руководзацих функцийох у финансийним сектору углядного подприємства ЗОИЛ „Войводина”, познєйше ДДОР „Нови Сад”.
Йоаким Голик у трох мандатох, од 2009 року по конєц живота, бул предсидатель Надпатраюцого одбору НВУ „Руске слово”. Тоту длужносц окончовал одвичательно и на високим професийним уровню, тримаюци интерес Установи на першим месцe.
Йоаким Голик будзе поховани пондзелок, 22. юния, на 15 годзин у Новим Садзе