Утвердзени Нарис закона о финансованю Войводини

автор ртв/зам
787 Опатрене

НОВИ САД – Покраїнска влада штварток, 19. фебруара, утвердзела Нарис закона о финансованю Войводини, хтори будзе доручени Скупштини Войводини на розпатранє, гварел покраїнски секретар за финансиї Зоран Радоман.

На конференциї за новинарох Радоман гварел же Нарис прилапени єдногласно и же очекує же го прилапи перше Скупштина Войводини, а потим и Скупштина Сербиї.

Радоман здогаднул же обовязка за приношенє того закона вишла 31. децембра 2008. року, а як гварел, и бувша и терашня власц препущели принєсц тот закон.

Нарис закона ушорює обезпечованє средствох за финансованє компетенцийох Войводини, и предписує же буджет Войводини од Републики ма доставац 7 одсто буджету Сербиї, як предвидзене з Уставом.

Новосц у Нарису то снованє порцийней управи за Войводину, як часц порцийней системи Сербиї.

 

 

ПОВЯЗАНИ ТЕКСТИ