ВЕРБАС – З вецей акциями вовторок, 22. марца, Еколоґийни рух Вербас означел Шветови дзень водох. У ОШ „Бранко Радичевич” у Равним Селу орґанизована проєкция документарного филму „Єґричка – ценка линия на дланї Бачкей”.
Филм зняти у продукциї РТВ, после проєкциї отримана и роботня о очуваню водових ресурсох, а зоз школярами трецей и штвартей класи бешедоване о можлївосцох власного доприношеня лєпшому и здравшому животному амбиєнту.
Як стої у сообщеню з Еколоґийного руху, у Равним Селу, як и у других местох вербаскей општини, забранєне хасновац воду за пице пре векшу присутносц арсену од дошлєбодзеного.
– Кажди валал ма еко-студню, цо дочасове ришенє по вибудов фабрики води, алє дочасове преросло до тирвацого. Прето на Шветови дзень водох ище раз спозорюєме на катастрофални квалитет водох у Войводини – стої у сообщеню Еколоґийного руху Вербас.