ДЮРДЬОВ – У центре Дюрдьова, опрез ОШ „Йован Йованович Змай”, позавчером поставена защитна метална ограда хтора служи за унапрямйованє пешакох ґу означеному пешацкому преходу, а опрез преходу будзе поставена спозорююца транспортна подлога.
Исти дзень у Рускей улїци, опрез дзецинскей заградки „Дюрдєвак”, поставени „лєжаци полицай”, а ище єден будзе поставени на крижней драги Краля Петра I и Святосавскей. Попри спомнутого, у центре Дюрдьова положени и нови транспортни знаки.
Роботи финансує Министерство будовательства, транспорту и инфраструктури, а виводзач роботох подприемство „Сиґнал” зоз Зомбора.