ВЕРБАС – Понеже КПД „Карпати” участвую у значним проєкту Заводу за културу войводянских Руснацох, тих дньох закончени роботи на формованю бази кнїжкох, односно библиотеки Дружтва, та вец и ширшей рускей заєднїци.
Главна идея позберац руски кнїжки и формовац електорнску базу фонду кнїжкох хтори ше находза у просторийох Дружтва, а електронска база будзе придата Заводу же би ше ю далєй интеґровало до националней библиотеки.
У КПД „Карпати” обезпечена адекватна простория и полїчки за кнїжки, а потримовку дал и Покраїнски секретерият за привреду, хтори прей явних роботох обезпечел фахову особу.
З тей нагоди предсидатель Дружтва Деян Загорянски поволує Вербащанох же би до библиотеки подаровали кнїжки хтори нє хасную, алє тиж и стари фотоґрафиї, малюнки и документи хтори би були од значносци за историю Руснацох на тих просторох.
Як додал, шицок материял будзе фахово обробени и адекватно чувани, на хасен цалей нашей заєднїци.