КОЦУР – Жатва жита у Коцуре углавним закончена, бо у хотаре остало нєскошене лєм подаєдно польо под житом. У задруґох толкую же то була нєзвичайно кратка жатва, понеже є закончена скоро за тидзень, чому причина нова и сучасна механїзация, як и красна и вигодна хвиля за роботи на полю.
Коцурски парасти задовольни з тогорочним урожайом, бо штреднє виноши од 30 та аж до 55 метери по гольту. Авансна цена за килу жита на одкупних местох дацо вецей як 16 динари, док ше у другей половки мешаца обчекує доплациванє. Жито одкупюю Землєдїлска задруґа „Класка”, Роботна єдинка подприємства „Либела продукт” и маґазин подприємства „Фарм кооп”.
Хвильково у хотаре часто мож стретнуц трактори хтори балирую сламу, и парастох хтори з високима брадлами наскладанима на приколицу одходза дому.