У коцурскей Школи будзе Крачунски вашар

автор ол. русковски
558 Опатрене

КОЦУР – Нєшка у физкултурней сали Основней школи „Братство єдинство” у Коцуре будзе отримани Крачунски вашар.

Шицки котри нащивя школску физкултурну салу того дня, годни купиц прикраски и предмети котри школяре сами направели з помоцу своїх учителькох, наставнїкох и родичох.

Крачунски вашар и того року гуманитарного характеру, а шицок назберани пенєж будзе унапрямени за лїченє школяра тей Школи Матея Дудаша.

Школяре и колектив Школи поволали шицких гражданох Коцура же би потримали  гуманитарну акцию и нащивели Крачунски вашар котри будзе тирвац од 9 по 11 годзин.

ПОВЯЗАНИ ТЕКСТИ