КУЛА – Образовни центер „Сократ” зоз Кули и Туристична орґанизация општини Кула орґанизую перши Фестивал науки „Вочи науки” котри будзе отримани нєшка у голу Пионирского дому од 10 до 16 годзин.
Иґор Лешчешин, спред Образовного центру „Сократ”, визначел же циль того Фестивалу же би ше науку приблїжело насампредз дзецом основношколского и штредньошколского возросту, як и шицким другим котри зацикавени за науку.
У рамикох Фестивалу плановане и наукове викладанє котре будзе отримане у шветочней сали Скупштини општини Кула на тему „Климатски пременки – виволанє за будучносц”. Викладац будзе проф. др Биляна Басарин зоз Природно-математичного факултета у Новим Садзе, а спомнуте викладанє часц проєкту „ExtremeClimeTwin”.