КУЛА – У кулскей Основней школи „Петефи бриґада” пондзелок, 28. септембра, традицийно означени Европски дзень язикох.
У голу Школи були поставени штанди з кнїжками и словнїками, а дзепоєдни школяре були облєчени до народних облєчивох. На одпочивкох школяре пущали музику на рижних язикох, а то була нагода научиц и даєдно слово на английским, нємецким, українским, лєбо руским язику.
Школяре котри уча руски як виборни предмет, своїх парнякох учели подписац ше по руски, дзелєли цидули з присловками на руским и сербским язику, а двойо школяре були и у нашим народним облєчиве.
