МУКАЧОВ (УКРАЇНА) – У Мукачове, у Закарпатскей обласци України, нєшка, 19. новембра Крайове здруженє подкарпатских Русинох з Мукачова и Здруженє русинских орґанизацийох Подкарпатя (Закарпатя) у України „Русинска нация”, орґанизую Медзинародни фестивал русинскей култури „Червена ружа трояка”.
У рамикох Фестивалу дополадня будзе отримана Медзинародна наукова конференция з назву „Русини у Европи и України”, а пополадню положене квеце на памятнїк Александрови Духновичови.
Попри домашнїх ансамблох, як наявене, на Фестивалє русинскей култури „Червена ружа трояка” наступя и танєчно-музични ансамбли зоз Словацкей, Польскей, Горватскей и Румуниї. На Фестивал поволани и представителє Рускей матки Сербиї, алє, як дознава Рутенпрес, пре технїчни прични нє можу пойсц до Мукачова.