НОВИ САД – Од нєшка, 23. фебруара, отворени конкурси Покраїнского секретарияту за науку и технолоґийни розвой за софинансованє науки, технолоґийного розвою, високого образованя и студентского стандарду на териториї Автономней покраїни Войводини.
Як наявене зоз Секретарияту, того року буду обявени вєдно 19 конкурси, а заплановани и нови програми, як цо то укладанє до образованя талантованих студентох, же би тоти млади людзе остали у Сербиї.
Секретарият предлужи суфинансовац роботни места виглєдовачох котри ше врацели з иножемства, як и софинансованє участвованя наших студентох, виглєдовачох и професорох на наукових сходох, а обезпчени и средства за витворйованє проєкту „Право на першу шансу“.
Средства за високообразовни установи буду наменєни за їх отримованє и набавку опреми, та за лєтнї школи, медзинародни кампи и семинари, як проєкти. Унапредзованє студентского стандарду тиж подрозумює укладанє до обєктох хтори наменєни студeнтом, алє и реґресованє драгових трошкох за студентох у Покраїни.
Актуални конкурси мож опатриц на сайту Покраїнского секретарияту за науку и технолоґийни розвой www.naukaapv.vojvodina.gov.rs