ШИД – У Предшколскей установи ,,Єлица Станивукович – Шиля” цени пребуваня дзецох остали на прешлорочним уровню.
Дзеци од 1 до 6 рокох, котрих єст коло 850, у установи пребуваю по цени од 3 500 динари, за пририхтуюци цалодньово ґрупи треба заплациц 3 тисячи динари, а за полудньове пририхтуюце пребуванє тисяч динари.
Ясмина Варґа, директорка установи, гвари же цени остали исти як и прешлого року, алє же звекшани ступень наплацованя услуги пребуваня, бо родичи постали свидоми же у процивним дзецко будзе виписане з установи.