КОВИЛЬ – Як ше и очековало, стретнуце прешлей нєдзелї екипох ФК „Шайкаш 1908” и ФК „Бачка 1923” було чежке обидвом екипом. Домашнї, як лидер на таблїчки мал и предносц домашнього терену, та стретнуце закончене зоз резултатом 4:2 (3:0).
Перши ґол посцигли Ковильчанє у 20. минути. Стрилєц першого ґолу бул Никола Живанов. Три минути познєйше, у 23. минути, домашнї дали и други ґол. Стрилєц бул Дьордє Ковачевич. Резултатску точку на перши полчас положел Здравко Миланович у 31. минути бависка.
У другим полчасу, Дюрдьовчанє ше дакус таргли и почали озбильнєйше грожиц ґолу домашнїх. Тренер Бачкей Душан Тривунович у 58. минути до бависка уводзи Неманю Иґнїча хтори очиглядно змоцнєл напад. Нєодлуга потим, Милан Роґич, у 62. минути дал перши ґол за Бачку, а шейсц минути познєйше, у 68. минути, Роґич дал и други ґол. Стрилєц штвартого ґолу за екипу з Ковиля бул Стеван Веселинович у 75. минути стретнуца.
После того стретнуца дюрдьовска Бачка спадла на осме место таблїчки и ма 19 боди.
На нєдзелю ФК „Бачка 1923” на своїм терену бави процив екипи ФК „ТСК” зоз Темерину.