НОВЕ ОРАХОВО – У церкви Христа Цара у Новим Орахове внєдзелю, 20. децембра, означене швето Святого Миколая.
Парох новоораховски о. Владислав Рац служел Служу Божу, а шицких присутних вирних здогаднул на циху радосц, почитованє, доброту, любов и шицко тото цо проволуєме на швето Святого оца Миколая.
По законченю Служби Божей була пригодна програма з нагоди того швета. Програму пририхтали школяре котри виучую руски язик з елементами националней култури у ОШ „18. октобер” у Новим Орахове и ОШ „Чаки Лайош” у Бачкей Тополї..
Святи Миколай того року дзецом подзелєл 24 пакецики, а як гварел парох о. Рац, шицко прешло у приємней, мирней и святочней атмосфери.
