Шицко пририхтане за Централну шветочносц

автор зам
848 Опатрене

КУЛА – Вчера у Кули отримана ище єдна схадзка Орґанизацийного одбору за Централну шветочносц означованя националного швета Руснацох, на хторей констатоване же планована програма пририхтана, а бешедоване и о дзепоєдних поєдиносцох за єй цо лєпше витворенє.

Як познате, Централна шветочносц з нагоди националного швета Руснацох у Сербиї того року будзе у Кули, на ютре, 16. януара.

Главни орґанизатор и финансиєр Централней шветочносци Завод за културу войводянских Руснацох, а у сотруднїцтве з општину Кула. Програму Централней шветочносци обдумує и витворює окремни Орґанизацийни одбор, векшином составени з домашнїх шветочносци и у Кули то члени Руского КУД „Др Гавриїл Костельник”, хторе того року означує и 20-рочнїцу роботи.

У рамикох Централна шветочносц у Кули буду отримани шаховски турнир (почнє на 10 г.), промоция моноґрафиї „Зоз живота Руснацох у Кули” (15,30 г.), вистава иконох о. Йосафата Гардия (16,30 г.) и  Благодарна Архиєрейска Служба Божа (17 г.).

Тиж буду отримани вистави подобових роботох Лидиї Барна (18,30 г.) и Амалиї Ковач (19 г.), а пририхтує ше и руски етно-стол.

Шветочна академия будзе на 20 годзин у Велькей сали Културного центру, а потим, на 21,30 г. коктел за учашнїкох и госцох у сали Мадярского културного центру „Непкер”.

ПОВЯЗАНИ ТЕКСТИ