РУСКИ КЕРЕСТУР – Школяре Штреднєй школи „Петро Кузмяк” уключени до прокту „Воспитанє дзецох за здравє” Инстутуту за явне здравє Войводини, а у Школи го реализує Завод за явнє здравє Зомбор и їх психолоґиня Даворка Боснич – виявела за Рутенпрес иницияторка проєкту у керестурскей Школи, педаґоґиня Любица Няради.
Проєкт ма циль виховйовац дзеци за здрави стили живота, як у физичним, так и у менталним смислу, а у керестурскей Школи будзе витворени през найменєй три роботнї. Шицки буду з акцентом на емоцийне здравє, одн. емоцийну интелиґенцию, пре адолесцентски возрост школярох.
Перша роботня уж отримана концом фебруара, друга була 1. марца, з тему „Емоционална писменосц”, а треца будзе 9. марца.
Школяре першей класи Основней школи и хаснователє предлуженого пребуваня тиж уключени до проєкту „Мой рецепт за правилне костиранє”, та и за нїх нєодлуга буду отримани роботнї. И тот проєкт Школа витвори у сотруднїцтве з Институтом за явне здравє Войводини.