„Юарбис” и „Житобачка” виплацели по 16,50, „Аґрохома” будзе доплацовац за жито

автор зам
1.1k Опатрене

РУСКИ КЕРЕСТУР –  Початком того тижня у рускокерестурским хотаре закончена тогорочна жатва жита, за хторе у керестурских задруґох гваря же було дакус слабшого квалитету як влонї, а штреднє чурело од 35 до коло 45 метери по гольту. Но, було и вецей польопривреднїкох котрим жито плацело и коло 55 метери по гольту.

Подприємство „Юарбис” шицких коперантох виплацело вовторок, 12. юлия по 16,50 дин. за килограм (з ПДВ), а по истей цени жито виплацела и  кулска „Житобачка”.

Подприємство „Аґрохома” до вчера виплацело скоро шицких котри ту предали жито –  по 16 дин. за кґ., з тим же „Аґрохома” планує и доплацовац за предате жито, алє вчера ище нє було познате кельо то будзе понад виплацени 16 динари.

„Аґрокерестур” кооперантох уж виплацел за ту предате жито, шицко по 16 динари за килограм (з ПДВ), цо и конєчна цена за жито у тим подприємстве. Таку конєчну цену „Аґрокерестур” понукнул ище на самим початку жатви.

ПОВЯЗАНИ ТЕКСТИ