НОВИ САД – У Руским Културним центре у Новим Садзе на ютре, пияток 11. септембра, будзе отримана схадзка з родичами з нагоди початку новей сезони дзецинских ґрупох танєчней секциї. Схадзка будзе отримана на 20 годзин у просторийох РКЦ (Йована Суботича 8), а поволани шицки родичи котри жадаю же би их дзеци, возросту од 5 роки та надалєй, ходзели на фолклор.
З дзецми буду робиц хореоґрафе Владимир Иван Вева и Михаїл Римар, проби буду два раз до тижня, а по схадзки з родичами буду одредзени конкретни днї за проби.
Уключованє до дзецинскей фолклорней секциї Руского културного центру безплатне.