ҐОСПОДЇНЦИ – Єдинство з Ґосподїнцох вчера, у 18. колє Медзиопштинскей лиґи Вербас-Титель-Жабель, победзело Злогу з Локу зоз 4:0.
Єдинство почало водзиц з автоґолом Злоги, а потим ґоли дали Раде Тепич и Димич, а з пеналу Кирти. У шлїдуюцим колє Єдинство бави у Мошоринє процив першопласованого Милетичу.
Вчерайше змаганє патраче патрели з 200 нових пластичних шедовискох на стадионє, хтори положени концом прешлого тижня на нєдавно закрити трибини. Пори тим, остатнї рок, дзекуюци управи Клубу, фодбалером и гражданом Ґосподїнцох, ушорена зоблєканя, поставени нови мрежи поза обидва ґоли, єдна часц стадиону оградзена з новим муриком, а тераз ше мурує и єден бочни мурик.