ДЮРДЬОВ – У 13. колу єшеньскей часци першенства Подручней фодбалскей лиґи Нови Сад, внєдзелю 27. октобра, на фодбалским стадиону у Ветернику домашнї пиятопласовани ФК „Ветерник” дочекал дзевятопласовани ФК „Бачка 1923” зоз Дюрдьова и победзел з резултатом 2:1 (0:0).
После того змаганя ФК „Бачка 1923” на таблїчки Подручней фодбалскей лиґи спадла за єдно место, та є тераз на дзешатей позициї, з вкупно шеснац бодами.
У шлїдуюцим, 14. колу, ФК „Бачка 1923” будзе домашня на змаганю зоз штернастопласованим ФК „Татра” зоз Кисачу котри ма пейц боди менєй од Бачки. Змаганє ше отрима на нєдзелю 3. новембра з початком на 13,30 годзин.