РУСКИ КЕРЕСТУР – Тей нєдзелї, у виданю керестурскей парохиї св. о. Миколая, вишло двочисло християнского часопису „Дзвони” за юлий и авґуст.
През лєтни мешаци орґанизовани вецей духовни стретнуца за дзеци, младих и за фамелиї, а то призначене з репортажами.
Представени и Михайло Ґовля, хтори заняти у Каритасу. Ту и предлуженя з биоґрафийох владикох Нярадия и Сеґедия як и блаженей ш. Софрониї Ерделї.
Як Рух фоколару вплївовал на особни духовни живот пише Мария Малацко, а ту и записи о духовней помоци Водицовей Мариї, о святительох и златним ювилею о. Йосафата Гардия.
У рубрики Духовне заренко преглїбене значенє Успения Богородици, а обявена и перша часц паповей були з нагоди Ювилею 2025.
И у тим чишлє попровадзени подїї у духовним живоце по наших парохийох и у швеце.