НОВИ САД – Тих дньох зоз друку вишло остатнє тогорочне число Младежского часопису МАК у котрим у фокусу порядни збуваня котри означели предходни период, як и наисце цикави змисти котри означели рок за нами при младих.
МАК приноши написи о Костельниковей єшенї и Дньовки, потим ту и звит зоз Младежского балу у Дюрдьове. Вочи Крачуну и Новому року пририхтани слички зоз профилу Петро Пис котрим тема праве тоти швета.
Марина Надь писала драгопис зоз Италиї дзе одпутовала зоз леґиньом а велька помоц им була апликация Тик Ток. Попри тим, на бокох Мозаїку єст розгварка зоз Катарину Чизмар котра цале лєто препровадзела у Америки на програми роб и путуй.
На спортских бокох пишеме о Фодбалским клубу Червена гвизда и їх успихох у Лиґи шампионох. За гумор бул задлужени Иван Лїкар, док Михайло Планкош у своєй рубрики написал позитивни упечатки о филму Конклава.