ШИД – Ище єден протест студентох, школярох и гражданох отримани вчера, 30. марца, а як и прешли раз гражданє на сход пришли опрез Спортскей гали.
Потим колона предводзена з тракторами рушела по Улїци святого Сави, при Пошти ше стало коло 15 минути и правело галайк, а потим предлужене у напряме Ґимназиї.
Опрез Ґимназиї нє було бешеди алє, як и звичайно, отримани 16 минути цихосци зоз чим указана чесц страдалим на гайзибанскей станїци у Новим Садзе, потим ше колона врацела до центра городу.
