РУСКИ КЕРЕСТУР – На 57. Драмски мемориял Петра Ризнича Дядї у Школи „Петро Кузмяк” буду виведзени и два дзецински представи.
Нєшка, 4. априла, на 12 годзин РКУД „Др Гавриїл Костельник” з Кули виведзе представу „Важне писмо” по тексту Михала Ковача, а у режиї Нади Лендєр з Вербасу.
Тогорочни Мемориял будзе закончени зоз представу „Инсталуй и ти дїдов дж пи ти (GPT)ˮ РНТ „Петро Ризнич Дядя”, по тексту Ирини Гарди Ковачевич и Славка Ороса, а виведзена будзе на пияток, 11. априла, тиж у Школи „Петро Кузмяк” на 12 годзин.
Toгорочни 57. Драмски мемориял Петра Ризнича Дядї почал всоботу, 22. марца, и тирва по пияток, 11. април.
Понеже Будовательна инспекция нєдавно пре безпечносц заварла векшу часц будинку керестурского Дома култури за хаснованє, шицки представи за старших на тогорочним Мемориялу виведзени у Културним центре у Кули, док два дзецински представи буду одбавени у Школи „Петро Кузмяк”.
Уход на Мемориял ше того року нє наплацує.