ДЮРДЬОВ – На фодбалским стадиону ФК „Бачка 1923” у Дюрдьове, на Mемориялним турниру „За Мария” змагали ше 43 млади фодбалски екипи у шейсц возросних катеґорийох, народзени од 2012. по 2017. року.
Три днї, од штвартку 28. авґуста по соботу 30. авґуста, млади фодбалски екипи на Мемориялним турниру бавели по системи; 2012. рок 10+1, 2013. и 2014. рок 8+1, а други 6+1.
У ґенерациї 2012. победзела екипа ЖСК „Жабаль” зоз Жаблю, у ґенерациї 2013. победзела екипа ФК „Єдинство” зоз Ґосподїнцох, у ґенерациї 2014. победзела екипа „Бистрица” Нови Сад, у ґенерациї 2015. победзела екипа „Младосц” Турия, у ґенерациї 2016. победзела екипа „Примера” Нови Сад, а ґенерациї 2017. победзела екипа „Бечей” зоз Бечею.
Турнир орґанизовал дюрдьовски Фодбалски клуб „Бачка 1923”, зоз предводзеньом Драґана Тривуновича, тренера младших ґенерацийох. Орґанизаторе и того року обезпечели погари и медалї за перши три места, индивидуални награди за найлєпших поєдинцох, як и ошвиженє, овоц и сендвичи учашнїком.