ДЮРДЬОВ – У Културно уметнїцким дружтве Тарас Шевченко у Дюрдьове тирва упис до наймладшей фолклорней ґрупи.
Уписац ше можу дзеци од штири по седем роки. Новоформовану наймладшу фолклорну ґрупу буду водзиц уметнїцки руководительки Мария Барна и Кристина Тодорович.
Проби ше будзе отримовац у просторийох Дружтва, два раз до тижня, а буду тирвац 45 до 60 минути.
Як за Рутенпрес гварела уметнїцка руководителька Мария Барна тота наймладша фолклорна ґрупа би требала почац з роботу початком октобра, було би найлєпше кед би ше тоти котри жадаю танцовац по теди и уписали, алє годни ше придружиц и познєйше.
Перши наступ би требал буц на Крачунским концерту, початком януара.