ЕПАРХИЯ СВ. МИКОЛАЯ – У Епархиї святого отца Миколая нєшка ше слави Вилїя по юлиянским календаре, а на ютре Рождество Христово – Крачун, хтори ше слави три днї. На Вилїю ше строго посци. У церквох нашей епархиї през тото тродньове швето буду служени Служби Божо, а нєшка ше после вилїйовей вечери ходзи по шпиваню, и зоз колядами винчує Крачун.
НОВИ САД – У Конкатедралней церкви святих апостолох Петра и Павла, на вовторок, 6. януара, на 9 годзин будзе Вечурня зоз Литурґию св. Василия Велького.
На 21 годзин будзе Крачунске саночне, хторе будзе предводзиц владика Георгий Джуджар.
На швето Рождества Христового, стреду 7. януара, Архиєрейска служба Божа почнє на 10 годзин, на служби будзе шпивац церковни хор, а после служби будзе мированє. На 18 годзин будзе Служба Божа, а по законченю тиж будзе мированє.
На други дзень Крачуна, 8. януара, Служби Божо буду на 10 годзин и на 18 годзин. И того дня будзе мированє после Службох Божих.
На треци дзень швета, 9. януара, Служби Божо буду на 10 годзин и на 18 годзин, а по їх законченю будзе мированє.
КОЦУР – У Прокатедралней церкви Успения Пресвятей Богородици, на вовторок, 6. януара, на 8 годзин будзе Вечурня зоз Службу Божу Василия Велького, а вечар на 22 годзин будзе Крачунске Всеночне.
На стреду, 7. януара, вирни преславя Рождество Христово – Крачун. Богослуженя през шицки три днї швета буду вше у исти час – на 7:20 Утриня, на 8 Ранша, на 10 Шпивана и на 18 годзин Вечарша.
На штварток, 8. януара, Собор Богородици и Обручнїка Осифа. На шицких богослуженьох того дня будзе и мированє. На 10 годзин будзе Велька Служба Божа провадзена зоз шпивом Церковного хору.
На пияток, треци дзень Крачуна, Первомученика и Архидиякона Штефана.
ДЮРДЬОВ – У Грекокатолїцкей церкви Рождества Пресвятей Богородици на вовторок, 6. януара Вилїя, на 8 годзин рано буду Царски часи, а на 9 годзин Служба Божа св. Василия Велького зоз Вечурню. На 22 годзин будзе Повечерє вельке, Саночне.
На стреду, 7. януара, на перши дзень Крачуна, на 10 годзин будзе Литурґия св. Йоана Златоустого, а на 18 годзин Вечурня.
На штварток, 8. януара на други дзень Крачуна, Собор Пресвятей Богородици, на 10 годзин будзе Литурґия св. Йоана Златоустого, а 18 годзин Вечурня.
На пияток, 9. януара на треци дзень Крачуна, на швето св. Першомученїка и архидиякона Штефана, на 10 годзин будзе Литурґия св. Йоана Златоустого и мированє, а на 18 годзин Вечурня и мированє.
После Вечурнї будзе гуманитарни Рождественски концерт на котрим буду участвовац дюрдьовски Церковни хор „Розанов” и госци, квинтет „Огня Осєцкого” зоз Осєку зоз Горватскей.
ҐОСПОДЇНЦИ – У Церкви св. архангела Михаїла у Ґосподїнцох, на вовторок, 6. януара на Вилїю, на 16 годзин будзе Повечариє вельке, Саночне.
На стреду, 7. януара, на перши дзень Крачуна, на 8 годзин будзе Литурґия св. Йоана Златоустого.
На штварток, 8. януара на други дзень Крачуна, на швето Собор Пресвятей Богородици, на 8 годзин будзе Литурґия св. Йоана Златоустого и мированє.
На пияток, 9. януара на треци дзень Крачуна, на швето св. Першомученїка и архидиякона Штефана, на 8 годзин будзе Литурґия св. Йоана Златоустого и мированє.
БЕРКАСОВО – З нагоди крачунских шветох на Вилїю у Церкви собору святого арахангела Михаила парох о. Владимир Еделински Миколка будзе служиц Саночне на 19 годзин.
Служби Божо през Крачун буду служени на 10:30 годзин, а на други дзень швета будзе и мированє.
БИКИЧ – У Церкви Успеня Пресвятей Богородици на Вилїю парох о. Владимир Еделински Миколка будзе служиц Саночне на 21 годзин.
На перши два днї Крачуна Служби Божо буду служени на 9 годзин, на други дзень будзе и мированє, а на треци дзень швета богослуженє будзе на 10 годзин.