САВИНЕ СЕЛО – КК „Русин” одбавел два пририхтуюци стретнуца, всоботу, 30. мая у Савиним Селу процив екипи КК „Будучносц” и победзел у обидвох, а резултати були 44:45 (28:18) и 4:6.
На тих стретнуцох бавели дзеци хтори ходза до штвартей, пиятей и шестей класи основней школи.
1. КК „Будучносц” 2013/14 – КК „Русин” 2013/14 – 44:45 (28:18). Найефикаснєши бавяч у Русиновей екипи бул Давид Колошняї, хтори дал 22 коши.
2. КК „Будучносц” 2015 – КК „Русин” 2015 – 4:6.
За екипу Русина бавели: Радош Селич, Алексей Виславски, Давид Асталош, Вуле Максимович, Никола Петкович, Тони Чизмар, Давид Колошняї, Иван Надь, Тони Сивч, Ґреґор Рац, Филип Дудаш, Виктор Асталош, Кристофер Дудаш, Андрей Надь и Лазар Максимович.
Екипу водзел Даниел Асталош.
Шлїдуюце пририхтуюце стретнуце кошаркаше Русина одбавя процив екипи КК „Феникс” зоз Бачкей Паланки.
