МОРОВИЧ – Вчера, 6. юлия шветочно отворени други Еко камп за младих зоз Сербиї, реґиону и дияспори хтори општина Шид орґанизує з потримовку Министерства за вязи и одношенє з дияспору.
Камп отворели ресорни министер Дьордє Миличевич и предсидатель општини Шид Зоран Семенович.
У роботи кампа участвую млади зоз Италиї, Нємецкей, Норвежскей, Словениї, Болгарскей, Сиверней Макединиї, Босни и Герцеґовини, Горватскей, Чарней Гори и Сербиї.
Камп тирва три днї, а першого дня на отвераню наступели члени СКУД Свети Сава зоз Шиду у школяре Основней музичней школи Филип Вишнїч зоз Шиду.
З тей шветочней нагоди посадзени и три младинїки баґрену як символ повязованя младих зоз Сербиї, реґиону и дояспори.
Учашнїки нащивели Парк природи Мали Босут як и твердиню Святого Стефана Штиляновича, а домашнї им бул єрей СПЦ Стефан Сремац.