НОВИ САД – На пияток, 10. юлия од 8 до 18 годзин будзе слабши прицисок води, а часточно анї нє будзе води, на бачким боку города и у часцох Петроварадину, сообщело ЯКП Водовод и канализация.
Порядне подмирйованє з воду и стабилизация прициску на бачким боку Нового Саду и нїжших часцох Петроварадину очекує ше у вечарших годзинох.
Зоз ЯКП Водовод и канализация наведзене же ше роби на реконструкциї цивоводу старей филтер станїци на Погону за преробок води Штранд, хтора збудована ище 1965. року.
У сообщеню стої же гражданє годни хасновац цистерни з воду за пице на тих локацийох: Футогски пияц, Площа шлєбоди, Гайзибанска станїца, Клинїчни центер Войводини (КЦВ), Клинїка за нефролоґию и клинїчну имунолоґию КЦВ специялна болнїца за хемодиялизу.