13. ЮЛИЙ – На нєшкайши дзень народзел ше Владислав Югас.
1878 – Закончени Берлински конґрес на хторим ревидирана Сан-стефанска мировна догварка заключена после русийско-турскей войни. Зоз тоту одлуку Сербиї приключени Нишски, Пиротски, Топлицки и Враньски округ, а Чарней Гори городи Никшич, Подґорица, Колашин, Бар и Улцинь.
1930 – У главним городзе Уруґвая Монте Видеу почало перше шветове фодбалске першенство на хторим участвовали 13 екипи. Екипа Югославиї була составена лєм зоз беоґрадских бавячох бо клуби зоз Заґребу, Сараєва и Суботици бойкотовали националну екипу.
1938 – Народзел ше Владислав Югас (Руски Керестур, 13. юлий 1938 – Нови Сад, 1. януар 1993), дружтвени роботнїк, главни и одвичательни редактор рускей редакциї Радио Нового Саду и директор Радио Нового Саду у єдним мандату. Владислав Югас основну школу закончел у Руским Керестуре, а штредню польопривредну у Зомборе 1956. року, робел у Землєдїлскей задруґи у Коцуре, 1963. року закончел Польопривредни факултет у Новим Садзе и врацел ше до коцурскей задруґи дзе полни седем роки робел як руководитель кооперациї. Владислав Югас настрадал у транспортним нєщесцу 1. януара 1993. року, поховани є на Новосадским теметове.
1985 – На лондонским стадиону Вембли и на стадиону Джон Кенеди у Филаделфиї источасно отримани вельки гуманитарни концерти за помоц гладним у Африки. Акцию орґанизовал рок и поп музичар Боб Ґелдоф.
1985 – Атлетичар Серґей Назарович Бубка перши прескочел з палїцу у Паризу такволану маґичну гранїцу од 6 метери. У своєй спортскей кариєри Бубка освоєл 6 Шветово першенства у атлетики зашором, злато на Олимпийских бавискох 1988. року и 35 раз звалєл рекорд у скаканю з палїцу (17 раз на отвореним и 18 раз у сали)