На ТикТоку и Инстаґраму зявюю ше вше вецей жени хтори приказую совершени традицийни живот.

Правя хлєб. Ставаю на пейц годзин рано. Порая обисце у билих сукньох. Меркую на дзеци.

И, бешедую же щесце у врацаню ґу традицийним вредносцом.

Алє, чи тото цо патриш обични живот, чи добре режирани змист хтори приноши тисячи, та и милиони долари?

Час же бизме отворели тот досиє.

Задаток 1: Шицко сама

Опать список. Цо од того думаш же правда?

□ Trad wife  инфлуенсерки углавним нє робя;
□ Векшина зарабя од интернету;
□ Їх робота праве знїманє того обичного живота;
□ Видео хтори тирва 30 секунди ше часто знїма и по даскельо годзини;
□ Жени сами здумую, знїмаю, монтираю и кладу на дружтвени мрежи тоти змисти док правя хлєб, порая, маю заградку зоз домашню желєняву, меркую и воспитую дзеци… Шицко робя сами.

Задаток 2: Дзе пенєж?

Пробуй потрафиц од чого єдна популарна trad wife инфлуенсерка може зарабяц, або прежиц?

• Реклами;
• Ю’тюб;
• ТикТок креатор програма;
• Спонзоровани обяви;
• Предаванє кнїжкох;
• Курси;
• Продукти за кухню;
• Фартухи;
• Кухарки;
• Линки ґу рижним продуктом хтори спомина;
• Власни бренд;
• Богатство (єй фамелиї, або супругово).

Задаток 3: Цо наисце наисце?

Заокруж цо думаш же часц кадодньовосци.

A) Обисце вше преберз чисте;
Б) Дзеци нїґда нє плачу;
В) Полудзенок вше совершени и наварени;
Г) Камера знїма лєм даскельо минути на дзень.

Задаток 4: Чом тоти видеа таки прицагуюци?

Заокруж шицко цо точне:

• Дїйствую змирююцо;
• Шицко випатра чисто и пошорено;
• Порушую носталґию;
• Понукаю єдноставни ришеня за компликовани швет;
• Випатраю природно.

Задаток 5: Кариєра

Кед инфлуенсерка пове:

Женом нє треба кариєра – а у исти час ма на тисячи, або милиони провадзачох, подписує контракти зоз брендами, предава продукти и каждодньово знїма змисти.

Цо єй професия?

A) ґаздиня;
Б) поднїмателька;
В) креаторка диґиталних змистох
Г) шицко цо начишлєнє.

Ступка

Лєгко подумаме:

Кед вона щешлїва, можебуц и я треба так най жиєм.

Алє, забуваме важну ствар – можебуц вона зарабя праве прето же приказує таки живот.

Або: Єй живот, у ствари, продукт (хтори предава).

Ришенє (за живот):

Пред тим як цо лайкуєш шлїдуюци совершени видео, постав себе тоти три питаня:

1.  Хто зарабя з того?

2.  Цо ше ту предава – продукт, идею чи стил живота?

3.   Цо вироятно нєприказане?

За краснима и сучаснима кухнями, домашнїм хлєбом и совершенима ранами часто стоя камера, монтажа, алґоритем и контракти зоз брендами. Нє мушиш керовац змисти хтори ци ше пача, досц лєм най на нїх патриш зоз отворенима очми. То медийна писменосц.

Одвити:

Задаток 1:
Окрем першого и остатнього твердзеня, шицки точни.
Велїм хтори правя тоти змисти то у ствари – робота.

Задаток 2:
Шицки одвити можу буц точни.
З другима словами: традицийна супруга, у ствари,
часто водзи сучани диґтални бизнис.

Задаток 3:
Нїч од наведзеного нє стварносц. Н
а дружтвених мрежох видзиш лєм тото цо автор,
або авторка одлучели указац.
То ше вола куриранє змисту.

Задаток 4:
Шицко цо начишлєне, точне.
Праве прето алґоритни лювя таки змист.
Людзе го длуго патра.

Задаток 5:
Точни одвит под Г.
Може буц ґаздиня,
алє источасно є и успишна поднїмателька
чия робота завиши од препатрункох,
алґоритмох и публики.