КОЦУР – У просторийох Явней библиотеки „Данило Киш”, Оддзелєнє у Коцуре, пияток пополадню, 28. авґуста отримана промоция антолоґиї поезиї „Дуга над валалом/Дуга над селом 2”.
Спомнута антолоґия обявена у рамикох проєкта „Интеркултурална творчосц Руснацох” Рускей матки, а з нагоди 30-рочнїци кнїжки „Дуга над валалом 1” хтора публикована 1995. року.
Антолоґия поезиї „Дуга над валалом/Дуга над селом 2” обявена зоз финансийну потримовку Министерства за людски и меншински права и дружтвени диялоґ и Управи за културу Горду Нового Саду.
Главни редактор „Дуги над валалом/Дуге над селом 2” предсидатель Рускей матки проф. др Михайло Фейса, котри привитал присутних и упознал их зоз дїлом у котрим позберани твори поетесох и поетох у периодзе од трох деценийох котри ше стретали на поетских стретнуцох у Руским Керестуре и Коцуре.
Поетеси и поетове сами виберали писнї з хторима буду заступени у антолоґиї, як и язик своїх писньох, а даєдни з нїх були и присутни на промоциї та пречитали свойо твори.
Присутни нащивителє на промоциї достали безплатни прикладнїк спомнутей кнїжки.
