ИНДЇЯ – У Церкви Успения Пресвятей Богородици, пияток, 28. авґуста бул Кирбай зоз святочну Службу Божу хтору предводзел ґенерални викар и парох керестурски о. Владислав Варґа, вєдно зоз деканом сримским и парохом шидянским о. Михайлом Режаком, новоменованим керестурским капеланом о. Михайлом Шантом и новоменованим парохом индїйским о. Ярославом Варґом.
На початку паноцови о. Шантови и його панїматки Зої парохиянє подзековали за їх 8 рочне служенє и дзиякованє.
На кирбайскей Служби Божей шпиванє предводзела панїматка Зоя Шанта, а помагал єй Микола Ляхович зоз Сримскей Митровици, котри з Митровчанями пришли возвелїчац тото храмове швето и потримац младого пароха о. Ярослава Варґу.
На концу були пречитани декрети розришованя и менованя обидвох паноцох, а о. Владислав Варґа у мено владики кир Георгия Джуджара подзековал бувшому парохови о. Шантови и замодлєл парохиянох най и нового пароха о. Ярослава Варґу провадза у своїх молитвох.
