ДЮРДЬОВ – Вчера, пондзелок, 31. авґуста у дворе Основней школи „Йован Йованович Змай” бул приєм школярох до першей класи.
Пред розподзельованьом будуцих першокласнїкох до двох оддзелєньох, директорка ОШ Любица Клепич привитала присутних, окреме будуцих першокласнїкох котрим пожадала щешлїви и красни початок основношколского образованя.
У програми участвовали школяре обидвох других класох, обидва сербски оддзелєня, алє шпивали и рецитовали на сербским и на руским язику.
У тим школским 2026/2027 року уписани 50 школяре до першей класи котри розподзелєни до двох сербских оддзелєньох понеже ше нїхто з родичох нє вияшнєл же жада же би його дзецко основне школованє закончело на руским язику. Пешокласнїкох буду учиц учительки Емили Хромиш и Юлкица Лїлянич.
После розподзельованя по класох учительки своїх школярох одведли до їх учальнї дзе пришли и родичи, та отримана и кратка родительска схадзка.