РУСКИ КЕРЕСТУР – З нагоди початку нового школского 2026/2027. року, вовторок 1. септембра у Школи Петро Кузмяк у Руским Керестуре, отримани приєм за вкупно 45 школярох перших класох штреднєй школи, кельо ше того року уписали.
До першей класи ґимназиї на руским наставним язику уписани седмеро школяре, док до ґимназиї на сербским наставним язику буду ходзиц 12 школяре.
Найвецей школярох, двацецпецеро, опредзелєло ше за образовни профил туристични технїчар.
Школярох перших класох под час штредньошколского образованя буду водзиц їх оддзелєнски старешинове – Мая Брекайло, Лїляна Рудакиєвич и Анита Войчена.
З оглядом же влонї нє було оддзелєнє ґимназиї на сербским наставним язику, тогорочне число уписаних 12 школярох, по словох директорки школи, барз добре, та прето тогорочни упис окреме удатни.
Попри настави, школяром хтори приходза зоз других местох на розполаганю и Дом за школярох. Того року до интернату уписани 33 школяре, коло половка полного капацитету, а медзи уписанима преважно школяре зоз оджацкей и вербаскей општини.
