НОВИ САД – Управни одбор Заводу за културу войводянских Руснацох на електрoнскей схадзки хтора закончена вчера, принєсол одлуку о розподзельованю финансийней потримовки по рочним Конкурсу за софинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї.
Буджет конкурса 1, 8 милиони динари, а по предкладу фаховей комисиї хтори Управни одбор прилапел, потримовку достаню 18 проєкти.
З обласци пестованя традицийней култури, насампредз за порядну роботу секцийох и анґажованє фахових сотруднїкох, потримани 10 проєкти – РКЦ Нови Сад – 165 тисячи динари, Грекокатолїцка парохия Петра и Павла з Нового Саду – 120 тисячи, КПД Карпати Вербас – 165 тисячи, КПД Дюра Киш Шид – 165 тисячи, КУД Петро Кузмяк Нове Орахово 105 тисячи, Здруженє женох Олория Дюрдьов – 12,5 тисячи, Союз Русинох Українцох Нови Сад – 12, 5 тисячи, КУД Тарас Шевченко Дюрдьов – 165 тисячи, РКУД Гавриїл Костелнїк Кула – 180 тисячи, и КУД Жатва Коцур – 165 тисячи.
Потримовку достали и осем проєкти з обласци сучасней творчосци – Музика Рутеника з Руского Керестура – 125 тисячи (музика), РКЦ Нови Сад – 50 тисячи (театер), КПД ДОК Нови Сад – 50 тисячи (гумор), Дом Култури Руски Керестур – 100 тисячи (литература), Руска матка Руски Керестур – 50 тисячи (литература), Матка – Дружтво Руснацох Нового Саду – Войводини – 50 тисячи (театер), РНТ Петро Ризнич Дядя Руски Керестур – 60 (театер) и КУД Тарас Шевченко Дюрдьов – 60 тисячи (рецитованє).