ЖАБЕЛЬ – Туристична орґанизация Општини Жабель и Општинска народна библиотека „Велько Петрович” орґанизую Манифестацию Дзецински сафари.
На манифестациї, котра будзе тирвац од пондзелку 14. по нєдзелю 27. септембер у биоскопскей сали у будинку Општини Жабель, виложени буду велї препаровани дзиви животинї у їх природней велькосци як цо то зебра, крокодил, тиґер и други.
Орґанизовани буду и културни, уметнїцки и едукативни роботнї за дзеци.
Манифестацию Дзецински сафари, мож нащивиц кажди роботни дзень од 14:30 по 19 годзин.
Термин за нащиви орґанизованих школских ґрупох од 9 по 14:30.
На соботу и нєдзелю Дзецински сафари годни видзиц шицки нащивителє од 14:30 по 19 годзин.
Уходнїца ше нє наплацує, алє кажде треба же би донирал школски прибор по власней дзеки, як цо наприклад тека, клайбас, крейдочки и подобне. Донирани школски прибор будзе подаровани дзецом котрим то найпотребнєйше.