РУСКИ КЕРЕСТУР – На нєдзелю, 20. септембра, будзе означени Школярски дзень у Водици. а Служба Божа будзе у Водици на 11:30 годзин (зоз благословом школярох), та нє будзе у церкви.
Служби на 9 и на 18 годзин буду у церкви.
Всоботу, 19. септембра пред Школярским дньом будзе Мини камп за школярох шестих класох и за старших, на ньго приду и дзеци зоз Коцура. Учашнїки Мини кампу буду спац у Водици и буду на нєдзельовей Школярскей служби.
Роботи на Емаус центру почали: порихтана арматура и од стреди, 16. септембра почнє мурованє мурох. Алє ше и далєй збера средства за мури у Емаус центру же би ше тоти роботи докончело.
Парохиялни Каритас орґанизує акцию Школски прибор за дзеци у потреби.