БЕОҐРАД – Руски видавателє, НВУ „Руске слово” и Завод за културу войводянских Руснацох, представя свойо виданя на 69. Медзинародним сайме кнїжкох у Беоґрадзе, штварток, 29. октобра.
Промоциї кнїжкох почню на 11г и буду тирвац по 13г у Сали „Йован Йованович Змай”, прейґ Покраїнского секретарияту за образованє, предписаня, управу и национални меншини-национални заєднїци.
На Сайме кнїжкох будзе представена нова видавательна продукция и виданя котри нє були представени прешлого року у Беоґрадзе.