ДЮРДЬОВ/ҐОСПОДЇНЦИ/ЖАБЕЛЬ – Вчера, пияток 23. октобра, з нагоди Дня ошлєбодзеня у Другей шветовей войни на Памятнїк погинутим борцом у центре Дюрдьова и Ґосподїнцох, положени венци и здогадло ше на тоту подїю.
Дзень пред тим, 22. октобра, у Жаблю и Чуроґу, тиж на дзень ошлєбодзеня тих местох, на памятнїки страдалей войски и валачаном положени венци и пририхтана пригодна програма.
У шицких штирох местох општини Жабель венци положели представнїки локалней и општинскей власци, а школяре зоз основних школох пречитали писнї написани на тему ошлєбодзеня.
У Дюрдьове пригодни стихи пречитали: школяр осмей класи Живко Шовлянски пречитал писню „Отаджбина” Дюри Якшича и школярка седмей класи Милица Вербашки пречитала писню „Крвава байка” Десанки Максимович.
