НОВИ САД – Промоция кнїжки „Руски идиоми, фрази и вирази”, хтори позберала и записала Ирина Гарди Ковачевич, отримана у Заводзе за културу войводянских Руснацох (Улїца Матици сербскей число 15).
О кнїжки „Руски идиоми, фрази и вирази” на промоциї, хтора отримана вовторок, 27. октобра у Заводу за културу авторка Ирина Гарди Ковачевич гварела же зазберовац идиоми, фрази и вирази у нашим язику почала цалком спонтано, бо замерковала же младши, алє и старши Руснаци часто заменюю, односно чераю вирази з нашей бешеди, найчастейше зоз сербскима, алє и зоз анґлийскима виразами же би ше цо точнєйше и емотивнєйше виражели. Почувствовала же би требало дїйствовац даяк же би ше спомалшело таки процеси.
Рецензентка виданя мр Гелена Медєши пречитала рецензию, понеже у нєй дала и класификацию и подзелєносц фразеолоґизмох зазначених у кнїжки.
Присутних на промоциї привитала директорка Заводу за културу войводянских Руснацох Рената Вуясинович, а редакторка кнїжки „Руски идиоми, фрази и вирази” Єлена Перкович, спред НАР-у, бешедовала о процесу видаваня кнїжки, од першей идеї, проєкту и до конєчного єй обявйованя.
Кнїжку обявели НАР – Новинарска асоцияция Руснацох и Завод за културу войводянских Руснацох.
