КОЦУР – Вчера вечар, по Всеночни, у коцурскей грекокатолїцкей церкви отримана пригодна програма з нагоди швета Святого Миколая, а Миколай по програми дзецом подзелєл пакецики.
Музично-сценску програму з дзецми пририхтала вироучителька Ксения Бесерминї, а у нєй участвовали виронаучни дзеци шицких возростох. Дзеци шпивали, рецитовали и виведли кратку сценску сличку, а потим их нащивел и Святи Миколай, котри того вечара подзелєл коло 170 пакецики. Пакецики порихтал Церковни одбор, як и 20 пакецики за дзеци зоз загрожених фамелийох.
У шицких пакецикох дзеци достали маґнети, цо тиж финансовал Церковни одбор, з чим ше уключел до гуманитарней акциї збераня пенєжу за друженя старих и дзецох з окремнима потребами и нащиви хорим и нємоцним, хтору орґанизую волонтерки коцурского Каритасу.
