РУСКИ КЕРЕСТУР – Як и у других хтори ше притримую григориянского календару, и у керестурскей парохиї св. оца Миколая нєшка найрадоснєйше християнске швето – народзеня Исуса Христа – Крачун.
Вчера, на Вилїю пред Крачуном, у Катедралней церкви на 23 годзин преосвящени владика Георгий з домашнїма священїками служел Всеночне, а пред тим дзеци и млади ходзели по шпиваню и винчовали Крачун.
Нєшка, на Перши дзень Крачуна, владика на 10 годзин будзе предводзиц Архиєрейску Службу Божу, а служби буду и на 8 и 17 годзин.
Пред Вельку Архиєрейску Службу Божу на 10 г., владика Георгий Джуджар нєшка шветочно отвори Рок милосердия – Святи рок.
У присустве вирних Владика отвори главни дзвери нашей Катедралней церкви св. оца Миколая у Руским Керестуре и на таки способ символично отвори Рок милосердия – як єден нови период хтори почал у цалим швеце.
На ютре – на Други дзень Рождества Христового, богослуженя буду на 8, 10 и 17 годзин.
