ПЕТРОВЦИ (РЕПУБЛИКА ГОРВАТСКА) – Културно-уметнїцке дружтво „Яким Гарди” з Петровцох внєдзелю, 1. априла, отримал цаловечарши Вельконоцни концерт у Дому култури у Петровцох.
Як преноши сайт Союзу Руснацох Републики Горватскей (www.savezrusina.hr), на концерту зоз танєчнима и музичнима точками наступел дзецински ансамбл, хлопска шпивацка ґрупа, вокални солисти, оркестер Дружтва и штири фолклорни секциї.
Як госци Вельконоцного концерта наступели члени Народного оркестра и дзеци вокални солисти КУД „Осиф Костелник” з Вуковару и Танєчни клуб „Кик” з Осєку.