НОВИ БЕЧЕЙ/РУСКИ КЕРЕСТУР – На змаганьох у рамикох Войводянского купа за старши катеґориї у каратеу, внєдзелю 15. априла, медалю освоєла Сара Планчак. Куп орґанизовал Карате клуб „Младосц” зоз Нового Милошева, а змаганя отримани у Спортско-рекреативним центру „Єдинство” у Новим Бечею.
Планчакова у своєй катеґориї за юниорох освоєла друге место, а дзекуюци тому пласману, 2. юния ше будзе змагац на Купу Сербиї котри будзе отримани у Новим Садзе.
Сару пририхтал тренер Михал Орос, а одход на змаганє помогли родичи.