РУСКИ КЕРЕСТУР − Предшколска установа (ПУ) „Бамби” зоз Кули розписала конкурс за упис дзецох до нового роботного 2018/2019. року котри почнє у септембру котри тирва од 7. по 20. май. З уписом облапени шицки оддзелєня ПУ „Бамби” по местох кулскей општини, та и рускокерестурске „Цицибан”.
Упис у Руским Керестуре будзе през роботни днї од 12 до 13 годзин. До ґрупох цалодньового пребуваня мож уписац дзеци од шейсц мешаци та по 6,5 рока.
До полдньового пребуваня пририхтуюцей предшколскей програми уписую ше дзеци народзени од 1. марца 2012. року по 28. фебруар 2013. року, у „Цицибану” обчекую упис 38-ерих дзецох того возросту, а прешлого року було лєм 21 дзецко.
Кед же у пририхтуюцих предшколских ґрупох будзе места, годни ше уписац и младши дзеци котри родзени од 1. марца по 31. децембер 2013. року.