ҐАКОВО – Рукометаше РК „Русин” внєдзелю, 13. мая, на госцованю процив першопласованей екипи на таблїчки, РК „Ґаково” зоз Ґакова, страцели з резултатом 30:20 (15:11).
Русиновци наступели у составе: Гербут 14, Мудри 3, Боянович 1, Салак 1, Микита 1, Варґа, Надь, Планчак, Стойков, Тома.
До 23. минути „Русин” водзел зоз 9:8, а потим екипи помали нєстало моци, та почали гришиц, а домашня екипа превжала бависко и перши полчас закончела зоз резултатом 15:11. По конєц змаганя ґол розлика ше звекшала, та конєчни резултати бул 30:20.
Шлїдуюцого викенду, 20. мая, екипа „Русина” бави на домашнїм терену у Керестуре, процив екипи „Ґрафичар” зоз Бездану.